Este conxunto de datos contén metadatos de procedencia relacionados cos procesos utilizados para xerar observacións de calidade de aire de distintos contaminantes na cidade de Santiago de Compostela, no ámbito do proxecto TRAFAIR, financiado pola Innovation and Networks Executive Agency (INEA) da Comisión Europea (CE), a través do seu programa Connecting Europe Facility (CEF). Cada proceso utilízase para observar un contaminante concreto, ou monóxido de carbono (CO) ou monóxido de nitróxeno (NO) ou dióxido de nitróxeno (NO2) ou ozono (O3), e está composto por un dispositivo de sensorización da calidade do aire e por un modelo de calibración. Respecto ao dispositivo de sensorización, os metadatos almacenados inclúen os seus identificadores, marca, modelo e unha descrición textual. Os metadatos almacenados para cada modelo de calibración inclúen o nome do método de regresión utilizado, o nome da biblioteca software utilizada para a súa implementación, os hiperparámetros do modelo, as variables de entrada e metadatos relacionados coa estación de calidade do aire de referencia ISO utilizada para xerar o conxunto de datos de adestramento, e o período temporal de dito conxunto de datos de adestramento.
